Semeıde «Jyl tańdaýy-2021» jastar syılyǵynyń jeńimpazdary anyqtaldy

SEMEI. QazAqparat – Semeı qalasynda «Jyl tańdaýy-2021» jastar syılyǵynyń jeńimpazdaryn marapattaý rásimi ótti, dep habarlaıdy QazAqparat tilshisi.

Shahardaǵy Neke saraıynda «Jyl tańdaýy-2021» jastar syılyǵynyń saltanatty marapattaý sharasy ótti. Úzdikter on nomınatsııa boıynsha anyqtalǵan. Onyń ishinde «Úzdik stýdent», «Úzdik jýrnalıst» jáne «Úzdik otbasy» syndy nomınatsııalar bar.

«Shara qalalyq ishki saıasat bóliminiń qoldaýymen ótti. Ondaǵy maqsat – osy jyly túrli salalarda úzdik nátıje kórsetken jastardy marapattaý. Bıyl qala ákiminiń syılyǵyna 50 ótinim tústi. Jeńimpazdar komıssııa sheshimimen daýys berý arqyly anyqtaldy», - dedi Semeı qalalyq jastar resýrstyq ortalyǵynyń basshysy Oljas Soǵymbaı.

Qatysýshylardyń sózinshe, osy sharanyń mańyzy zor. Bul jastardyń jańa jetistikterge umtylýǵa degen yntalaryn arttyryp, shabyt syılaıdy.

Aıta keteıik, jeńimpazdarǵa aqshalaı syılyq tabystaldy. Marapattaý rásimine qala ákimi Baqytjan Baıahmetov qatysty.