Semeıde jyl basynan beri 129 erli-zaıypty ajyrasqan

SEMEI. QazAqparat – Semeı qalasynda bıyl 500-den astam jup shańyraq kóterse, 129 erli-zaıypty ajyrasqan, dep habarlaıdy QazAqparat tilshisi.

Bul týraly aqparat ortalyǵynda ótken baspasóz máslıhatynda qalalyq jumyspen qamtý, áleýmettik baǵdarlamalar jáne azamattyq hal aktilerin tirkeý bóliminiń bas mamany Baıan Beısekeeva málim etti.

Onyń aıtýynsha, 2022 jyldyń alǵashqy 3 jarym aıynda 561 jup otbasyn qurǵan. Mundaı kórsetkishtiń tirkelmegenine birneshe jyl bolǵan.

Bıyl úılengender sanynyń kúrt artýyna koronavırýs pandemııasyna qatysty shekteýlerdiń jeńildeýi sebep bolýy yqtımal.

«Jyl basynan beri 129 erli-zaıypty nekesin buzdy. Bala týý týraly aıtar bolsaq, bıylǵy birneshe aıda 1768 náreste dúnıege keldi. Al ótken jyly 426 neke buzylsa, jańa týǵan náreste sany – 6898-di quraǵan», – dedi Baıan Beısekeeva.

2021 jyly tegin, atyn nemese ákesiniń atyn aýystyrýǵa 223 ótinish qabyldandy.

Qazirgi ýaqytta AHAT bólimi HQO-dan bólek, elektrondy úkimet portaly arqyly da jumys isteýde.

Esterińizge sala ketsek, osyǵan deıin Semeıde «Sergek» kameralary maýsym aıynda iske qosylatynyn habarlaǵan edik.