Semeıde júıtkip kele jatqan kólik shuńqyrǵa túsip ketti
08:55, 02 Aqpan 2023
SEMEI. QazAqparat - Semeıde shuńqyrǵa túsip ketken kólik boıynsha ákimshilik is qozǵaldy, dep habarlaıdy QazAqparat Abaı oblysynyń polıtsııa departamentine silteme jasap.
1 aqpan saǵat 16:30 shamasynda Qabanbaı batyr kóshesinde «VAZ» kóligin tizgindegen 44 jastaǵy júrgizýshi qaýipsiz qozǵalys jyldamdyǵyn saqtamaı, buryn sýmen jabdyqtaý jumystary júrgizilgen shuńqyrǵa aýdarylyp ketken.
Oqıǵa saldarynan eshkim zardap shekken joq.
«VAZ» kólik quralynyń júrgizýshisine QR Ákimshilik quqyq buzý kodeksiniń 620-baby boıynsha hattama jasaldy.
Bul áreket úshin eskertý beriledi nemese úsh aılyq eseptik kórsetkish mólsherinde aıyppul salynady.
Foto: Abaı oblysy PD