Semeıde juqpaly aýrýlar aýrýhanasy ashyldy

SEMEI. QazAqparat - Semeı qalasynda jańa juqpaly aýrýlar aýrýhanasy ashyldy, dep habarlaıdy QazAqparat tilshisi.

Semeıdegi Aımaqtyq ftızıopýlmonologııa jáne ońaltý ortalyǵy bazasynda 300 oryndyq ınfektsııalyq gospıtal ashyldy. Munda koronavırýs ınfektsııasy jáne polısegmentaldy pnevmonııasy bar naýqastar ornalastyrylady.

- Gospıtalda 20 reanımatsııalyq palata bar.​ Quram jasaqtalyp,​ naýqastardy qabyldaý bastaldy. Barlyq qyzmetkerler vaktsınatsııadan ótip,​ qajetti dári-dármekter jetkizildi, - deıdi mekeme basshysy Erlan Shákenov.

Munda naýqastardyń keýdesin sol mezette túsirýge arnalǵan jyljymaly rentgen apparaty da bar. Sondaı-aq ókpeni jasandy jeldetýdiń 20 jáne ókpeni ınvazıvti emes jeldetýdiń 15 apparaty qoıylǵan. Ótken jyly dıspanserde ottegi shaǵyn zaýyty quryldy. Bul mınýtyna 250 lıtr ottegi shyǵaratyn ottegi kontsentratory.

- Aýrýhananyń ár qabatynda 30 ottegi kontsentratory ornalasqan. Búgingi kúni ǵımaratty jýý, kvartstaý jáne dezobóńdeý júrgizildi. Infektsııalyq baqylaýǵa sáıkes, ár qabatta naýqastar úshin asa mańyzdy jeldetkish bar, - deıdi Erlan Shákenov.

Sondaı-aq, Semeıde barlyq qajetti jabdyqtarmen qamtamasyz etiletin ınfektsııalyq ortalyqtyń qurylysy josparlanýda.​