Semeıde jaýyngerlik óner festıvali ótedi

NUR-SULTAN. QazAqparat - Abaıdyń 175 jyldyq mereıtoıyna oraı Semeı qalasynda jaýyngerlik óner festıvali ótedi. Bul týraly búgin elordada ótip jatqan Qazaqstannyń jaýyngerlik óner qaýymdastyǵyń qurmetti prezıdenti Kárim Másimov aıtty, dep habarlaıdy QazAqparat tilshisi.

Onyń atap ótýinshe, qaýymdastyq ótken jyly 17 oblystyq jaýyngerlik óner festıvali men 2 halyqaralyq shara uıymdastyrdy. Aralas jekpe-jekten GFC pen Jayynger promoýsheni birlesip, Atyraýda «GFC 17» týrnırin ótkizdi. Karate kıokýshınkaıdan 4-shi álem chempıonaty ótkizilip, qazaqstandyq sportshylar jalpy komandalyq esepte 40 memleket arasynan 2-orynǵa ıe boldy.

«2020 jyly stýdentter arasynda mýaı-taıdan álem chempıonatyn ótkizýdi josparlap otyrmyz. Oǵan álemniń 30 elinen 300-ge jýyq sportshy keledi dep kútiledi. Sonymen qatar Semeı qalasynda qazaqtyń uly aqyny Abaıdyń 175 jyldyq mereıtoıyna arnalǵan Jaýyngerlik óner festıvalin ótkizemiz», - dedi Kárim Másimov.

Foto: sportvko.gov.kz