Semeıde jastardy baspanamen qamtý úshin «Abaı jastary» jobasy iske asady

SEMEI. QazAqparat – Semeı qalasynda jastardy baspanamen qamtamasyz etý úshin «Abaı jastary» jobasy iske asyrylady. Bul jaıly qalalyq máslıhat depýtaty Erkebulan Tursyn málim etti, dep habarlaıdy QazAqparat tilshisi.

«Memleket basshysy Abaı oblysyn qurý týraly sheshim qabyldap jergilikti halyqtyń oıyn dóp basty. Endi kópshilik óńir jastaryn tolǵandyrǵan máseleler sheshimin tapsa dep tileıdi. Ókinishke qaraı, jastardyń basym bóligi memlekettik qoldaý sharalary týraly bile bermeıdi. Osyǵan baılanysty, jastarǵa kórsetiletin qoldaýlardyń barlyq túrlerin bir ortalyqqa shoǵyrlandyrýdy jáne qalada jastardyń bos ýaqytyn tıimdi uıymdastyrýǵa múmkindik beretin Jastar úıi ashylǵany jón», - deıdi Erkebulan Tursyn.

Onyń aıtýynsha, jastardy turǵyn úımen qamtýǵa baǵyttalǵan baǵdarlamalar qajet.

«Bizdiń óńirde otbasy ınstıtýty nyǵaıyp kele jatqany qýantady. Sondyqtan jeńildetilgen nesıeler boıynsha jastardy turǵyn úımen qamtamasyz etýge baǵyttalǵan «Abaı jastary» óńirlik baǵdarlamasyn júzege asyrýdy bastaımyz», - dedi qalalyq máslıhat depýtaty.

Esterińizge sala ketsek, osyǵan deıin Qazaqstanda jastar úshin joǵary jalaqysy bar bos jumys oryndary anyqtalǵany habarlanǵan.