Semeıde jastar patrýli qurylady

SEMEI. QazAqparat - Semeıde kámelettik jasqa tolmaǵan jasóspirimder arasyndaǵy qylmys kólemin tómendetý maqsatynda jastar patrýli qurylady, dep habarlaıdy QazAqparat tilshisi Semeı aqparattyq ortalyǵyna silteme jasap.

«2018 jyldyń qorytyndysy boıynsha kámelettik jasqa tolmaǵandar arasynda quqyq buzýshylyqty tómendetýge qol jetkizgenmen jasóspirimder arasynda aýyr qylmys jasaıtyndar sany azaımaı otyr. Sondyqtan qylmystardyń aldyn alý jumystaryn jandandyrý kerek. Osyǵan oraı, ústimizdegi jyldyń qyrkúıek aıtynda jastar patrýli qurylady», - deıdi Semeı qalasynyń jergilikti polıtsııa qyzmeti basshysynyń orynbasary Ádilbek Nyǵmanov.

Onyń aıtýynsha, jastardyń negizgi jumysy polıtseılerge qalany patrýldeýde kómek kórsetý bolmaq.

Sonymen qatar, ishki saıasat bólimi oqý oryndarynda quqyqtyq mektepter ashýdy josparlap otyr.

Aıta ketsek, 2018 jyly qalada qylmystyq quqyqbuzýshylyq jasaǵany úshin 114 , ákimshilik quqyq buzýshylyq jasaǵany úshin 916 jasóspirim jaýapqa tartylǵan. Kámelettik jasqa tolmaǵandardy beıimdeý ortalyǵyna 160 bala túsip, arnaıy mektepterge 5 bala jiberilgen.