Semeıde «Jas barlaýshy» áskerı-patrıottyq klýby ashyldy
Atalmysh shara Elbasynyń Qazaqstan halqyna joldaǵan Joldaýyn oryndaý aıasynda áskerı-patrıottyq tárbıeniń rólin kúsheıtý jáne «Shyǵys» óńirlik qolbasshylyǵy men Shyǵys Qazaqstan oblysy áskerı basqarmasynyń jergilikti organdaryna qoldaý kórsetý maqsatynda Semeı qalasyndaǵy №49 mektepte uıymdastyryldy.
Sharanyń saltanatty ashylý rásiminde klýbtyń músheleri ant berdi. Sharada áskerı jáne memlekettik-quqyqtyq daıyndyq isiniń úzdigi, «Shyǵys» óńirlik qolbasshylyǵynyń áskerı qyzmetshisi Elnur Orazhan klýbtyń komandıri, 10-synyp oqýshysy Dıas Altynbekovke áskerı-patrıottyq klýbtyń týyn tapsyrdy.
Aýǵanstandaǵy soǵys ardagerleri qoǵamdyq keńesiniń tóraǵasy Boranbaı Begatov, Qazaqstan Respýblıkasy Qarýly Kúshteriniń ardageri, otstavkadaǵy polkovnık Vladımır Konovalov, qalalyq bilim basqarmasynyń ókilderi jáne garnızonnyń áskerı qyzmetshileri jas patrıottardy quttyqtady.
Sonymen qatar mektep aýmaǵynda bastapqy áskerı daıyndyq jáne áskerı-patrıottyq tárbıe synyptary jumysyn bastady.
Aıta keteıik, búgingi tańda Semeıde 23 áskerı-patrıottyq klýb bar.