Semeıde jappaı tóbeleste pyshaq jaraqatyn alǵan 13 jasar bala qaıtys boldy
Tekserý barysynda sý qoımasy mańynda jasóspirimder janjaldasqany, sońy tóbeleske ulasqany anyqtaldy. Atalǵan fakti boıynsha QR Qylmystyq kodeksiniń 99-baby boıynsha sotqa deıingi tergeý amaldary bastalǵan.
Tóbeleskenderdiń bári anyqtalyp, kúdikti ýaqytsha ustaý ızolıatoryna qamaldy.
«Qazirgi ýaqytta birqatar tergeý sharalary júrip jatyr, onyń nátıjesi boıynsha zańdy protsessýaldyq sheshim qabyldanady. Qylmystyq-protsessýaldyq kodekstiń 201-babynyń 1-bóligine sáıkes sotqa deıingi tergep-tekserýdiń derekteri jarııa etilmeıdi» dep habarlady polıtsııa.
Polıtsııa ata-analardyń jasóspirimdi qaraýsyz qaldyrýy olardyń arasynda jazataıym oqıǵa nemese quqyqbuzýshylyq jasaýyna sebep bolatynyn eske salady. Tártip saqshylary balalarǵa baqylaý men jaýapkershilikti kúsheıtý jáne olardyń qaýipsizdigi jónindegi sharalardy kúsheıtý qajettigin atap ótedi.