Semeıde jańajyldyq bas shyrshanyń shamdary jandy

SEMEI. QazAqparat – Semeı qalasynda jańajyldyq bas shyrshanyń jamdary jandy, dep habarlaıdy QazAqparat tilshisi.

Abaı oblysynyń ortalyǵynda jańajyldyq bas shyrshanyń shamdary jandy. Sharaǵa qala ákimi Nurbol Nursaǵatov qatysty.

«Shyrsha shamdaryn jaǵýmen qatar, ortalyq alańdaǵy mýzykalyq sýburqaq mańyndaǵy úlken syrǵanaqtyń aınalasynda kópten kútken muz aıdyny qoldanysqa berildi. Shyrsha shamdaryn jaǵý saltanatynda kontserttik baǵdarlama, teatrlandyrylǵan qoıylym qoıylyp, án shyrqaldy. Bas shyrshanyń bıiktigi - 19 metr. Shyrshaǵa 10 metrden 200 dana jaryqdıodty gırlıanda jáne 100-den asa oıynshyq ilinip, Aıaz ata men Aqshaqardyń músinderi qoıyldy. Al qalanyń sol jaǵalaýyndaǵy Áýezov alańyna 18 metrlik shyrsha ornatyldy», - dep habarlady qala ákimdiginen.

Bıyl Semeı qalasy 25 jyldan keıin alǵash ret jańa jyl merekesin oblys ortalyǵy retinde atap ótedi. Sondyqtan qala ákimdigi jańa jyl qarsańynda túrli merekelik is-sharalar uıymdastyrýda.

«Qalamyz kún saıyn kórkeıip keledi. Ortalyq alańda balalar konkı teýip, syrǵanaqta oınap máz bolýda. Kele jatqan jańa jyl semeılikter úshin, barsha qazaqstandyqtar úshin qutty bolsyn», - dep óz qýanyshyn bildirdi qala turǵyndarynyń biri.