Semeıde jańa kópirdiń jobasy tanystyryldy

SEMEI. QazAqparat – Abaı oblysynyń ákimi Nurlan Uranhaevqa Semeı qalasyndaǵy jańa kópirdiń jobasy tanystyryldy, dep habarlaıdy QazAqparat tilshisi.

Oblys ákimdigi baspasóz qyzmetiniń málimetine súıensek, Semeıdegi avtokólik kópiri 1964 jyly paıdalanýǵa berilgen. Qazir ótkel múshkil jaǵdaıda.

«Jyl saıyn kópirge aǵymdaǵy jóndeý júrgizilip kele jatqanymen jaǵdaı ózgermeıdi. Sebebi kópir qatty tozǵan. Eski ótkeldi rekonstrýktsııalap, ony jaıaý júrginshiler kópirine aınaldyrý jaıly sheshim qabyldandy. Sondaı-aq jaqyn jerde kólik qozǵalysy úshin jańa kópir salynady», - delingen aqparatta.

Óńir basshysy Nurlan Uranhaevqa jańa kópirdiń jobasy usynyldy. Ótkeldiń uzyndyǵy 0,9 shaqyrymdy quraıdy.

Tórt jolaqty kópirdiń jalpy uzyndyǵy – 1 350 metr. Onyń ishinde avtojoldyń uzyndyǵy – 540 metr, kópirdiń uzyndyǵy – 810 metr.

Kópirdi qaıta salý jumystary 2022 jyly bastalady. Merdigerler nysandy 2025 jyly paıdalanýǵa berýdi josparlap otyr.

Foto: facebook.com/AbaiOblysynynAkimdigi