Semeıde jabyq fýtbol maneji salynyp jatyr
Qala ákimdiginiń málimetinshe, keshenniń qurylysy Abaı oblysy ákimdigi men Freedom Holding Corp kompanııasy arasyndaǵy memorandým aıasynda júrgizilýde. Kompanııa basshysy Tımýr Týrlov keshen balalar úshin fýtbol álemindegi úlken múmkindik ekenin atap ótti.
«Balalarymyzda eýropalyq úzdik klýbtardaǵydaı jattyǵý múmkindikteri bolýy kerek. Bul keshen daıyndyq deńgeıine,áleýmettik jaǵdaıyna qaramastan ár bala ózin úlken sporttyń bir bóligi retinde sezinýi úshin jasalǵan. Balalar bizdiń bolashaǵymyz. Al olardyń keleshegi jarqyn bolýy bizdiń qolymyzda. Bul keshen olardyń sportshy retinde qalyptasatyn, bilim alatyn, armandaryn júzege asyratyn oryn bolady», - dedi ol.
Manejde tórt kıim aýystyratyn, jýynatyn, ashana jáne ata-analarǵa arnalǵan bólme bolady. Keshendi sertıfıkattaý josparlanǵan. Bul joǵary toptaǵy fýtbolshy balalardyń alańda resmı matchtar ótkizýine múmkindik beredi.
Fýtbol alańdarynyń ólshemderi ÝEFA men FIFA standartyna sáıkes keletin 105*66 metrge jáne 105*68 metrge deıin alyp jatyr. Bıyldyń sońyna deıin jabyq manejdi paıdalanýǵa berý kózdelgen.