Semeıde úshinshi jylý elektr ortalyǵy salynady

ASTANA. QazAqparat – Semeı qalasy jáne atalǵan óńirdegi birneshe mekende jańa jylý elektr ortalyǵy salynady. Bul týraly Ulttyq ekonomıka mınıstri Álibek Qýantyrov málim etti, dep habarlaıdy QazAqparat tilshisi.

«Abaı oblysynyń áleýmettik-ekonomıkalyq damýynyń 2023-2027 jyldarǵa arnalǵan keshendi jospary ázirlendi. Óńirdiń damý jospary 9 baǵyttan turady jáne 102 is-sharany qamtıdy. 2023-2027 jyldary aralyǵynda óńirge tartylatyn ınvestıtsııanyń jalpy kólemi 1,9 trln teńgeni quraıdy. Onyń ishinde respýblıkalyq bıýdjet esebinen 515 mlrd teńge, jergilikti bıýdjetten 110 mlrd teńge jáne 1,3 trln teńge jeke ınvestıtsııa tartý kózdelip otyr», - dedi Álibek Qýantyrov Úkimet otyrysynda.

Mınıstrdiń málimetinshe, Abaı oblysynyń ınfrastrýktýrasyn damytýǵa 22 mlrd teńge qarastyrylyp otyr.

«Turǵyn úı-kommýnaldyq sharýashylyqty jáne ınfraqurylymdy damytýda Semeıde jáne basqa da qalalar men eldi mekenderde 3-shi jylý-elektr ortalyǵyn salynady. Sonymen qatar jylý berý jelileri, elektrmen jabdyqtaý jáne sý qubyry jelilerin qaıta jańartý josparlanýda. Budan basqa, Semeı, Aıagóz, Kýrchatov qalalarynda káriz tazartý qurylysy kózdelgen», - deıdi vedomstvo basshysy.

Buǵan deıin Abaı oblysynda 14 myń jumys orny qurylatyny týraly habarlaǵan edik.