Semeıde tútin tumshalaǵan páterden qarshadaı 4 bala qutqaryldy

SEMEI. QazAqparat – Shyǵys Qazaqstan oblysynda qutqarýshylar kók tútin basqan páterde qalǵan 4 balany alyp shyqty, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, Semeı qalasynda ata-analary jumystarymen syrtqa ketkende 6 aılyq jáne 2, 4, 6 jastaǵy tórt ul páterde qaraýsyz qalǵan.

Elektr mashınasyn qýattaǵyshqa qoıǵan balalar kenetten tyrs etken dybysty estidi. Qysqa tuıyqtalýdyń saldarynan páter ishin lezde tútin tumshalap aldy. Sol kezde kórshiler tútin ıisin sezip, qutqarýshylarǵa habar bergen.

«Oqıǵa ornyna TJD qyzmetkerleri shuǵyl kelip jetti. Kópqabatty úı aldyna avtosatyny qoıyp, 3-qabattaǵy páterge tereze arqyly kirdi. Órt sóndirýshiler balalardy dereý dalaǵa alyp shyqty. Olardyń densaýlyqtaryna eshqandaı zaqym kelmegen», - dep habarlady vedomstvo ókilderi.