Semeıde turmystyq zorlyq-zombylyq qurbandaryn qorǵaýǵa arnalǵan daǵdarys ortalyǵy ashylady
Qala ákimdiginiń málimetine súıensek, bıyl Semeıde turmystyq zorlyq-zombylyq qurbandaryn qorǵaýǵa arnalǵan 25 oryndyq daǵdarys ortalyǵyn ashý josparlanyp otyr. Búgin shahar basshysy Nurbol Nursaǵatov jóndeý jumystarymen tanysty.
«Qazir 35 kvartal shaǵyn aýdanynda ornalasqan burynǵy teri-venerologııalyq dıspanser ǵımaratyn jóndeýden ótkizip, osy ortalyqqa berý protsesi júrip jatyr. Ǵımaratty sapaly jóndeýge nazar aýdarǵan jón. Nysannyń tek ishin ǵana emes, syrtqy abattandyrýyna da nazar aýdarý kerek. Sondaı-aq azamattardyń qaýipsizdigin qadaǵalap, ǵımarat syrtyn arnaýly belgimen qorshaý qajet», - dedi Nurbol Nursaǵatov.
Daǵdarys ortalyǵynda zorlyq-zombylyq qurbandaryna arnaýly áleýmettik qyzmet kórsetýdiń qoldanystaǵy standarttaryna sáıkes tıisti qyzmetter kórsetý josparlanǵan.
«Ortalyqta otbasylyq zorlyq-zombylyqtyń qurbany bolǵan áıelder men olardyń balalary ýaqytsha ornalastyrylady. Eldegi qazirgi jaǵdaı mundaı ortalyqtyń aýadaı kerektigin kórsetip otyr. Ortalyqty ashýdaǵy maqsat – túrli qıyndyqqa tap bolǵan otbasyna jan-jaqty qoldaý kórsetý. Onyń ishinde quqyqtyq jáne psıhologııalyq qoldaý da bar. Túrli kedergige ushyraǵan otbasy qoldaýdy qajet etetini sózsiz», – dedi qalalyq jumyspen qamtý jáne AHAT bóliminiń basshysy Serik Jumadilov.