Semeıde turaqtandyrý qory iske qosyldy
03:00, 20 Qarasha 2019
SEMEI. QazAqparat – Semeıde turaqtandyrý qory iske qosyldy, dep habarlaıdy QazAqparat Semeı qalasynyń Aqparat ortalyǵyna silteme jasap.
Ortalyq taratqan málimetterge qaraǵanda, Semeı qalasy úshin 2019-2020 jyldardaǵy maýsymaralyq kezeńde «Ertis» áleýmettik kásipkerlik korporatsııasy» AQ 3000 tonna kóleminde kartop jáne kókónis satyp aldy.
Onyń ishinde kartop – 1500 tonna, qyryqqabat-500 tonna, sábiz 400 tonna, pııaz-600 tonna.
Turaqtandyrý qorynyń ónimderin satý úshin bólshek saýda kásiporyndarymen kelisim jasaý jumystary júrgizilýde. 2019 jyldyń 19 qarashasyna deıin 40 memorandým jasaldy.
Sonymen qatar, aǵymdaǵy jyldyń qarasha aıynan bastap «Agrofırma »Prırechnoe« JShS saýda úshin 12 oryn bólindi.
Jumys aǵymdaǵy jyldyń qarasha aıynyń ekinshi onkúndiginen bastalyp, 2020 jyldyń 15 mamyryna deıin jalǵasady.