Semeıde túnde kópirden qulaǵan adam araldan tabyldy

<p>SEMEI. KAZINFORM &ndash; Semeı qalasynda <strong>TJM kúshimen 20 jastaǵy er adam qutqaryldy</strong><strong>.</strong><strong> </strong><strong></strong></p>

112 pýltine er adamnyń kópirden qulaǵany týraly habarlama kelip túsken. Qutqarýshylar tez arada oqıǵa ornyna shyqty.

Jedel-qutqarý jasaǵynyń qyzmetkerleri qaıyqtyń kómegimen zardap shegýshini izdestire bastady. Kóp uzamaı ony kópirdiń janyndaǵy araldan tapty.

«Alǵashqy kómek kórsetilip, jedel medıtsınalyq járdem qyzmetkerlerine berildi», - dep habarlady Tótenshe jaǵdaılar mınıstrliginiń baspasóz qyzmeti.

 

Aıta keteıik, «Semeı ormanyndaǵy» órtenip ketken aǵashtar satylyp jatyr.