Semeıde toǵyz jasar qyzdy zorlaǵan 48 jastaǵy kórshisi sottaldy

SEMEI. QazAqparat - Semeıde 9 jasar qyzdy zorlaǵan pedofılge úkim shyqty, dep habarlaıdy QazAqparat abainewskz resýrsyna silteme jasap.

Abaı oblysynyń qylmystyq ister jónindegi mamandandyrylǵan aýdanaralyq soty 9 jasar qyzǵa seksýaldyq sıpatta zorlyq-zombylyq jasaǵan 48 jastaǵy er adamǵa úkim shyǵardy.

Ózi moıyndamaǵanyna qaramastan onyń kinási saraptama nátıjesimen jáne is aıasynda jınalǵan basqa aıǵaqtar arqyly tolyq dáleldendi.

Sottalýshy 25 jylǵa bas bostandyǵynan aıyryldy. Jazasyn qatań rejımdegi kolonııada óteıdi.

Esterińizge sala keteıik, 2022 jyldyń tamyz aıynda Abaı oblysynda jantúrshigerlik jaǵdaı bolǵan.

Balanyń anasynyń aıtýynsha, kishkentaı qyzdy kórshi turatyn 48 jastaǵy er adam zorlaǵan. Qyz aýyr jaraqat alǵan.

Sottalýshy úılengen, balaly-shaǵaly adam.