Semeıde terrorızmge qarsy qorǵanys talaptaryn buzǵan mektep dırektoryna aıyppul salyndy

SEMEI. QazAqparat – Semeı qalasynda terrorızmge qarsy qorǵanys talaptaryn buzǵan mektep dırektoryna aıyppul salyndy, dep habarlaıdy QazAqparat tilshisi.

ShQO Polıtsııa departamenti baspasóz qyzmetiniń málimetine súıensek, tártip saqshylary únemi terrorıstik turǵydan osal keletin nysandarǵa tekserý júrgizedi. Kezekti tekserý barysynda Ekstremızmge qarsy is-qımyl basqarmasynyń qyzmetkerleri Semeı qalasyndaǵy mektepterdiń birinen óreskel ereje buzýshylyqtardy anyqtaǵan.

«Terrorızmge qarsy zańnamanyń talaptaryn buzǵany úshin mektep dırektoryna Semeı qalalyq ákimshilik sotynyń sheshimimen QR ÁQBtK-niń 149-baby 1-bóligine sáıkes 100 AEK kóleminde (277 myń 800 teńge) aıyppul salyndy», - dedi ShQO PD bastyǵy Saǵat Mádıev.

Sonymen qatar oǵan anyqtalǵan kemshlikterdi joıý úshin 30 kún ýaqyt berildi.