Semeıde tarıhı oryndardyń birindegi eski úıler súrilmek

SEMEI. QazAqparat – Semeı qalasynyń tarıhı oryndarynyń biri – erteden Tatar ólkesi dep atalyp kelgen aýmaǵynda birneshe eski úı súrilip, onyń ornyna zamanaýı záýlim úıler salynady, dep habarlaıdy QazAqparat tilshisi.

Qala ákimdiginiń málimetinshe, bul sáýlet jáne qala qurylysy máseleleri jónindegi keńeıtilgen apparat otyrysynda qaralǵan. Shahardyń bas jospary Qazaqstan Respýblıkasy Úkimetiniń 2011 jylǵy 25 maýsymdaǵy №707 qaýlysymen bekitilgen.

Bas jospardy ázirleý kezinde qala halqynyń sany 281,5 myń adamdy, aýmaǵy 21720,0 gektardy qurady. Іske asyrý merzimi – 2025 jylǵa deıin. Sol ýaqytta turǵyndar sany shamamen 400 myń adamǵa jetip, aýmaǵy 31372,0 gektarǵa deıin keńeıedi.

Jospar negizinde qalanyń oń jaǵalaý men sol jaǵalaý bólikterine qatysty jobalar ázirlenip, bekitilgen. Oń jaǵalaýdaǵy aýdandarda kelesi jumystar josparlanǵan:

Tatar ólkesiniń ortalyq bóliginde kópqabatty úıler men áleýmettik-mádenı nysandardy salý úshin jeke turǵyn úılerdi buzý josparlanýda. Sondaı-aq Qaraǵaıly shaǵyn aýdanynda kópqabatty turǵyn úılerdiń qurylysy júrgiziledi.

Qalanyń sol jaǵalaý bóliginde ornalasqan ıÝnost, Novostroıka aýdandary men Tsementnyı kentinde qurylys jumystary josparlandy. Jalpy bıyl Semeıde 76 myń sharshy metr úı paıdalanýǵa berý kózdelip otyr.