Semeıde sýǵa batyp bara jatqan bala qutqaryldy

SEMEI. QazAqparat - «112» pýltine jedel medıtsınalyq járdem stantsııasynyń operatorynan Zaton aýdanyndaǵy Ertis ózeninde 2013 jyly týǵan bala sýǵa batyp bara jatqany týraly habarlama tústi, dep jazdy QazAqparat.

TJM málimetinshe, sýǵa shomylý kezinde balanyń epılepsııalyq qurysýy bolyp, sýǵa bata bastaǵany anyqtaldy.

«Otbasymen birge jaǵalaýda demalǵan Aıjan Sadyrbalına sýǵa batyp jatqan balany kórip, dereý kómekke asyǵyp, sýdan shyǵaryp aldy. Sodan keıin ol balaǵa dárigerge deıingi alǵashqy kómek kórsetti. Osy ýaqytta basqa kýágerler «103» qyzmetin shaqyrdy.

Dárigerler teksergennen keıin bala KEAQ «SMÝ» ýnıversıtettik gospıtaline jatqyzyldy», - delingen vedomstvo aqparatynda.

Qazirgi ýaqytta balanyń jaǵdaıy ortasha.