Semeıde soǵys ardagerlerine estelik syılyqtar taratylyp jatyr
Jeńistiń 75 jyldyǵyna oraı «Ardagerlerdi ardaqtaıyq» jobasy aıasynda «Birgemiz Shygys» qoǵamdyq qory arqyly 2982 Uly Otan soǵysynyń ardageri men múgedegine jáne tyl eńbekkerlerine azyq-túlik sebetteri berildi.
Budan bólek, soǵys ardagerlerine «Nur Otan» partııasynan merekelik qolsaǵattar jáne QR Prezıdenti men ShQO ákiminiń quttyqtaý hattary tabys etildi.
«Aktsııa eki kún boıy ótkiziledi. Syılyq Ekinshi dúnıejúzilik soǵystyń ardagerleri men múgedekterine, tyl eńbekkerlerine tabystalady. Tizimderdi áleýmettik qorǵaý organdary ázirledi. Biz tıisti mekenjaılarǵa baryp, syılyqty taratamyz», - deıdi «Nur Otan» partııasy Semeı qalalyq fılıaly tóraǵasynyń birinshi orynbasary Aınur Arǵynbekova.
Estelik syılyqtar men azyq-túlik jıyntyǵyn oblystyq, qalalyq máslıhat depýtattary, partııanyń saılaý organdarynyń jáne partııalyq kadrlyq rezerv músheleri jetkizip berýde.