SEMEI. QazAqparat – «Semeı ormany» memlekettik orman tabıǵı rezervatynyń aýmaǵynda sibir eligin zańsyz aýlaý faktisi anyqtaldy, dep habarlaıdy QazAqparat tilshisi.
Zańsyz ańshylyqqa birneshe adam shyqqan. Olardy tabıǵı keshender men obektilerdi qorǵaý bóliminiń qyzmetkerleri patrýl kezinde qolǵa túsirdi.
«Brakonerlerdiń memleketke keltirgen shyǵyn kólemi 2,083 mıllıon teńgeni quraǵan. Protsessýaldyq sheshim qabyldaý úshin barlyq materıaldar Semeı qalalyq polıtsııa basqarmasyna joldandy» delingen «Semeı ormany» memlekettik orman tabıǵı rezervatynyń mamandary taratqan málimette.
Aıta keteıik, bul rezervat erekshe qorǵalatyn tabıǵı aýmaqqa jatady. Munda ań aýlaýǵa tyıym salynǵan.
Talǵatjan Muhametbekuly
Óskemendegi S.Amanjolov atyndaǵy ShQÝ-dy "Jýrnalıstıka" mamandyǵy boıynsha támamdaǵan. Eńbek jolyn 2015 jyly ShQO "Aldaspan" gazetinde tilshi bolyp bastady. ShQO "Meniń ólkem" gazetinde tilshi, respýblıkalyq "Jas qazaq", "Zań" gazetterinde Shyǵys Qazaqstan oblysy boıynsha menshikti tilshi, ShQO "Meniń ólkem" gazetiniń bas redaktory qyzmetterin atqarǵan. Kazinform agenttiginde 2021 jyldan beri jumys istep keledi.