Semeıde shuńqyrǵa qulaǵan jylqy qutqaryldy

SEMEI. QazAqparat – Semeı qalasynda qutqarýshylar shuńqyrǵa qulap ketken jylqyny alyp shyqty, dep habarlaıdy QazAqparat tilshisi.

ShQO Tótenshe jaǵdaılar departamenti baspasóz qyzmetiniń málimetine súıensek, oqıǵa 13 tamyzda túngi saǵat 03.00 shamasynda bolǵan.

«Semeıdegi Vostochnyı kentinde jylqy shuńqyrǵa qulap ketken. Janýarǵa kómek kórsetý úshin oqıǵa ornyna №2 mamandandyrylǵan órt sóndirý bóliminiń qyzmetkerleri kelip jetti. Qutqarýshylar jylqyny baılap, manıpýlıatordyń kómegimen alyp shyqty», - dep habarlady vedomstvo ókilderi.

Osy rette qutqarýshylar óńir jurtshylyǵyna óz janýarlaryn qaraýsyz qaldyrmaýǵa keńes beredi.