Semeıde shaqalaqty qoqysqa tastap, órtep jibergen

<p>SEMEI. KAZINFORM &ndash; Semeı qalasynda jańa týǵan shaqalaqty qoqysqa tastap órtep jibergen. Denesiniń 80 paıyzy janyp ketken shaqalaq aýrýhanada qaza boldy.</p>

Abaı oblystyq polıtsııa departamenti baspasóz qyzmetiniń málimetine súıensek, qazirgi ýaqytta tártip saqshylary kúdiktini izdestirip jatyr. 

«Іstiń barlyq mán-jaıyn anyqtaýǵa baǵyttalǵan jedel izdestirý sharalary júrgizilip jatyr. Tıisti saraptamalar taǵaıyndalǵan. Jańa týǵan náresteniń ólimine qatysty sotqa deıingi tergeý bastaldy», - delingen aqparatta.

Qazaqstan Respýblıkasyndaǵy Bala quqyqtary jónindegi ýákil Dınara Zákıeva shaqalaqtyń saǵat 19.40-ta kóz jumǵanyn málim etti. 

«Onyń denesiniń 80 paıyzyn kúıik shalǵan. Abaı oblysyndaǵy Bala quqyqtary jónindegi ýákilmen baılanysta bolyp otyrmyn», - dep jazdy ol óziniń áleýmettik jelisindegi paraqshasynda. 

Eske salsaq, osydan eki jyl buryn Almaty oblysynyń Sarqan aýdanynda qoqysta úsh aıdan beri jatqan bes jasar balanyń múrdesi tabylǵan bolatyn.