Semeıde Sergek júıesi 1 qazanda iske qosylady
Abaı oblysy ákimdiginiń dereginshe, jol erejesin buzǵan kólik júrgizýshiler aıyppul qaǵazyn ala bastaıdy.
«Jyldamdyqty asyrý, baǵdarshamnyń tyıym salǵan belgisine ótip ketý, joldaǵy qozǵalysty retteıtin jolaqtardy buzý júıege tirkeledi. Jol tártibin buzǵandardyń tólegen aıyppuldary qala bıýdjetin toltyrady.
Uıǵarymdardy erap-public.kgp.kz protalynan ETsQ arqyly júktep alýǵa bolady», - dep jazdy vedomstvodan.
Semeı qalasyndaǵy jobada 1551 kamera jumys isteıdi. Onyń 775-i jalpy beınebaqylaý, sonymen qatar, 88 kamera turǵyn úı, mektep aýlalarynda, qoǵamdyq oryn t.b. qaýipsizdikti qamtamassyz etedi. Qurylǵy-baǵdarlamalyq keshen quramyndaǵy qalǵan 776 kamera qalanyń jol qaýipsizdigin baqylaıdy.
Budan bólek, joba aıasynda polıtsııa qyzmetkerleriniń «Sergek Qorǵaý» mobıldik qosymshasymen jumys isteýine arnalyp, 100 planshet alyndy. Atalǵan mobıldik qosymsha joldaǵy «Sergek» júıesine biriktirilip, jalǵan nómir taqqan, júrgizýshi kýáliginen aıyrylsa da kólik júrgizgenderdi, izdeýdegi kólikterdi anyqtaıdy.
«Sodan keıin ondaı kólikter jónindegi aqparat operatorǵa jiberiledi. Jedel aldyn-alý sharasy barysynda polıtsııa qyzmetkeri mundaı kólikti toqtatyp, qajetti shara qoldanady.
Jol erejesin buzýdy tirkeý avtomatty rejımde júzege asady», - delingen habarlamada.
Qazaqstandyq mamandar daıyndaǵan baǵdarlama kompıýter kómegimen jáne arnaıy algorıtm boıynsha ereje buzýdy anyqtaıdy. Budan keıin polıtsııa qyzmetkeri tekserý júrgizip, óziniń ETsQ arqyly uıǵarymǵa qol qoıady. Barlyq ereje buzý jaǵdaılary QR Bas prokýratýrasynyń quqyqtyq statıstıka jáne arnaıy tirkeý Komıtetiniń ákishilik ister boıynsha birińǵaı reestrine birden tirkeledi.
Kólik ıesi sheshimmen kelispegen jaǵdaıda, Semeı qalasy boıynsha polıtsııa basqarmasyna barýǵa nemese 110 nómirine sondaı-aq uıǵarymda kórsetilgen baılanys nómirine habarlasýǵa bolady.