Semeıde salynyp jatqan jańa meshitke Abaıdyń esimi beriledi

SEMEI. QazAqparat – Semeıde turǵyzylyp jatqan meshitke Abaıdyń esimi beriledi, dep habarlaıdy QazAqparat qala ákimi Ermak Sálimovke silteme jasap.

Shahar basshysy meshit qurylysy qarqyndy júrip jatqanyn jáne 2020 jyly, uly Abaıdyń 175 jyldyq mereıtoıy qarsańynda paıdalanýǵa beriletinin jetkizdi.

«Meshit Abaıdyń esimimen atalady», - dep atap ótti qala Ermak Sálimov baspasóz máslıhatynda.

Qala basshysy, sonymen qatar, meshittiń búkil aýmaǵy qalaǵa tıesili ekenin aıtyp ótti. Meshit aınalasyn abattandyrý úshin qujattar daıyn tur. Jańa meshitke aparatyn eki kópir salynady.

Eske sala keteıik, qulshylyq úıiniń qurylysy 2008 jyly bastalǵan. Degenmen, túrli sebeptermen sońyna deıin turǵyzylyp bitpedi. Saqaldy qurylysty jaqynda jergilikti qurylys kompanııalarynyń biri qolǵa aldy. Meshittiń altyn kúmbezderi Almaty qalasynan ákelingen. Munara bıiktigi – 37 metr bolady. Joba boıynsha ǵıbadathana 2700-3000 adamǵa arnalǵan.