Semeıde paramen ustalǵan bólim basshysy 9 mln teńgege jýyq aıyppul tóleıdi
21:44, 20 Aqpan 2020
NUR-SULTAN. QazAqparat – Júıeli túrde para alyp kelgen Semeı qalasynyń sáýlet jáne qala qurylysy bóliminiń basshysyna 9 mıllıon teńgege jýyq aıyppul salyndy, dep habarlaıdy QazAqparat tilshisi.
«Shyǵys Qazaqstan oblysynyń sybaılas jemqorlyqqa qarsy qyzmeti jaqynda Semeı qalasynyń sáýlet jáne qala qurylysy bóliminiń basshysy B.Sálimovke qatysty qylmystyq isti tergeýdi aıaqtaǵan edi. Ol 2019 jyldyń qyrkúıek aıynan qazan aıyna deıin eskızdik jobalar men sıtýatsııalyq shemalardy keliskeni úshin jeke kásipkerlerden júıeli túrde para aldy degen kúdikke ilingen», - dedi Sybaılas jemqorlyqqa qarsy is-qımyl agenttiginiń 1-shi departamentiniń aǵa tergeýshisi Danııar Bekaıdarov elordada ótken baspasóz máslıhatynda.
Semeı qalasy № 2 sotynyń úkimimen Sálimov memlekettik qyzmette laýazym atqarý quqyǵynan ómir boıyna aıyrylyp, oǵan 8 785 000 teńge kóleminde aıyppul salyndy.