Semeıde oqýshylarǵa jazǵy lagerge barýǵa ruqsat berildi
Semeıde oqýshylardyń demalysyn tıimdi uıymdastyrý úshin jazǵy lagerler jumys isteıtin bolady.
Bul jaıly baspasóz máslıhaty barysynda qalalyq bilim bóliminiń ádiskeri Sáýle Dúısembekova málim etti.
«Eger epıdemıologııalyq jaǵdaı turaqty bolsa qala syrtyndaǵy lagerler jalpy toltyrylýyn 50%-dan asyrmaı jumys isteıdi. Az qamtylǵan jáne kópbalaly otbasylardan shyqqan oqýshylardy lagerge jiberý josparlanyp otyr. Mektep janyndaǵy lagerlerdiń jumysy ázirge belgisiz. Degenmen olar balalarmen onlaın formatta túrli sharalar ótkizýge daıyndalýda», - dedi ol.
Sáýle Dúısembekovanyń aıtýynsha, ótken jyly mektep janyndaǵy lagerler onlaın formatta jumys istegen.
Olardyń mektep saıty jáne arnaıy baǵdarlamasy bar.
«Onlaın lagerdi uıymdastyrýda kóp qıyndyq bolǵan joq. Óıtkeni balalar qashyqtan bilim alýǵa beıimdelip qaldy. Sondyqtan bıyl da osyndaı formatta ótkizýge daıynbyz. Ázirge epıdemıologııalyq jaǵdaıdyń turaqtalýyn kútýdemiz», - deıdi bilim bóliminiń ádiskeri.