Semeıde oqýshylar saraıy boı kótermek

<p>SEMEI. KAZINFORM &ndash; Semeı qalasynda oqýshylar saraıynyń qurylys alańyna ýaqyt kapsýlasy salyndy.</p>

Qala ákimdiginiń málimetinshe, Áýezov kóshesi, 1 mekenjaıynda ornalasatyn ortalyq joba boıynsha 6 fýnktsıonaldyq aımaqqa bólingen. Nysan «Balalarǵa arnalǵan 50 saýyqtyrý lagerin ashý, balalardyń shyǵarmashylyq jáne zııatkerlik áleýetin damytý úshin keminde 100 jańa iri obektiler salý jónindegi» respýblıkalyq jol kartasynyń 85-tarmaǵyna sáıkes salynýda.

Foto: Semeı qalasynyń ákimdigi

«Kópfýnktsıonaldy ortalyq zamanaýı qural-jabdyqtarmen tolyqtyrylyp, mektep oqýshylarynyń qosymsha bilim alýǵa degen suranysyn qamtamasyz ete alady. Semeıde Balalar men jastardyń shyǵarmashylyq saraıy burynnan bar. Biraq ol birinshiden qalanyń oń jaǵalaýynda ornalasqan, ekinshiden, qazirgi zamanǵy materıaldyq-tehnıkalyq bazasy joq. Jańa ortalyqta robototehnıka kabınetteri, sport sektsııalary ornalasady», - deıdi qala ákimi Nurbol Nursaǵatov.

Foto: Semeı qalasynyń ákimdigi

Onyń aıtýynsha, qurylys jumystaryn kelesi jyly aıaqtaý josparlanyp otyr. Ortalyqta usynylatyn baǵyttar:

- Ǵylymı-tehnıkalyq (neırorobototehnıka, astronomııa, baǵdarlamalaý kabınetteri);

- Ár túrli shyǵarmashylyq stýdııalary bar kórkemdik jáne estetıkalyq baǵyt;

- Sporttyq-saýyqtyrý (úlken jáne kishi basseınder, jekpe-jek zaldary, fıtnes-zaldary).