Semeıde oqshaýlaý rejımin buzǵan 10 adamǵa aıyppul salyndy

SEMEI. QazAqparat – Semeı qalasynda ózin ózi oqshaýlaý rejımin buzǵan 10 adam jaýapqa tartyldy, dep habarlaıdy QazAqparat tilshisi.

ShQO Sanıtarlyq-epıdemıologııalyq baqylaý departamenti baspasóz qyzmetiniń málimetine súıensek, 10-23 tamyz aralyǵynda oqshaýlaný tártibin elemegen 10 adamǵa qatysty QR «Ákimshilik quqyq buzýshylyq týraly» kodeksiniń 425-baby 1-bóligine sáıkes hattama toltyrylǵan.

«Qazirgi ýaqytta óńir aýmaǵynda «Ashyq» jobasyna 7396 nysan qatysýda. Onyń ishinde 542-i ázirge synaq rejıminde. Kún saıyn monıtorıngtik toptar karantın rejıminiń buzylmaýyna jáne bıznes nysandarynyń shekteý sharalaryn saqtaýyna qatysty tekserý júrgizýde. Osyǵan deıin jobaǵa qatysyp otyrǵan 58 nysanda buzýshylyq faktileri anyqtalǵan», - delingen aqparatta.

Osy rette, departament mamandary úı karantınindegi oblys turǵyndaryn talapty saqtaýǵa shaqyrady. Sondaı-aq naýqaspen baılanysta bolǵan azamattar basqalarǵa vırýs juqtyrmas úshin oqshaýlaý rejımin qatań ustanýy tıis.