Semeıde múgedektigi bar jáne ata-ana qamqorlyǵynsyz qalǵan 30 azamat baspanaly boldy
14:55, 23 Qazan 2024
<p>Búgin Respýblıka kúni qarsańynda Qaraǵaıly shaǵyn aýdanynda páter kezeginde turǵan áleýmettik osal toptarǵa jáne ata-anasynyń qamqorlyǵynsyz qalǵan azamattarǵa 30 otbasyǵa páter kiltterin saltanatty túrde tabystaý rásimi ótti. Rásimge qala ákimi Nurbol Nursaǵatov qatysty.</p>
– 2022 jyly Qazaqstan Prezıdenti Qasym-Jomart Toqaevtyń sheshimimen 25 qazan – Respýblıka kúni ulttyq mereke bolyp bekitildi. Aıtýly mereke qarsańynda Semeıdeerekshe qajettilikteri bar azamattar jáne ata-ana qamqorlyǵynsyz qalǵan balalar jańa páterlerdiń ıegerleri atanyp otyr. Shańyraqtaryńyz berekege toly bolsyn!, - dedi ol.
Sońǵy jyldary Semeı qalasynda qurylys qarqyny artyp, kóp turǵyn úı boı kóterdi. Prezıdenttiń qoldaýymen 2023 jyly 211 otbasy jańa baspana aldy. Al 2024 jyldyń basynan beri páter kezeginde turǵan 334 azamat baspanamen qamtyldy.
Ata-ana qamqorlyǵynsyz qalǵan O. Mıroshchenko 2011 jyldan beri páter kezeginde turǵanyn aıtyp, zor yqylasyn jetkizdi. Búgin ol 57 sharshy metrlik 2 bólmeli páterdiń ıesi atandy.