Semeıde meshitten órt shyqty
14:42, 14 Maýsym 2018
SEMEI. QazAqparat - Semeıde naızaǵaı túsken meshit órtendi. Bul týraly QazAqparat qalalyq Tótenshe jaǵdaılar basqarmasy baspasóz qyzmetine silteme jasap habarlaıdy.
Órt keshe saǵat 18:13 mınýtta Volgogradskaıa kóshesindegi Tóleýbek qajy meshitinde tirkeldi. Imamdar bólmesinen shyqqan órtten bólmedegi jıhaz, jeke zattar men turmystyq tehnıka jandy. Órttiń aýmaǵy 10 sharshy metr. Tilsiz jaý saǵat 19:07-de tolyq aýyzdyqtaldy.
«Tekserý kezinde tilsiz jaýdyń shyǵýyna qatysty 2 boljam qarastyrylyp otyr. Órt naızaǵaıdyń kesirinen nemese elektr qurylǵylarynyń avarııalyq jaǵdaıda jumys isteýinen bolýy yqtımal. Qazir naqty sebebi anyqtalyp jatyr. Zardap shekkender joq», delingen habarlamada.