Semeıde mektep-ınternatta jasóspirim oqýshynyń qaıtys bolýyna baılanysty tergeý bastaldy
20:59, 11 Sáýir 2023
ASTANA. QazAqparat - Semeıde kámeletke tolmaǵan balanyń ınternatta qaıtys bolý faktisi boıynsha sotqa deıingi tergep-tekserý bastaldy, dep habarlaıdy QR ІІM baspasóz qyzmeti.
7 sáýir kúni mektep-ınternatta 15 jastaǵy jasóspirim tamaqtaný kezinde tunshyǵyp qaıtys boldy. Jedel járdem brıgadasy kelgenge deıin bala jan tapsyrǵan.
Osy fakti boıynsha Áýezov polıtsııa bólimi sotqa deıingi tergep-tekserýdi bastady, onyń sheńberinde tıisti sot saraptamalary taǵaıyndaldy, istiń mán-jaılaryn zertteýdiń jan-jaqtylyǵyn, tolyqtyǵyn jáne obektıvtiligin qamtamasyz etýge baǵyttalǵan qajetti tergeý áreketteri júrgizilýde.
Qylmystyq-protsestik kodekstiń 201-babynyń 1-bóligine sáıkes sotqa deıingi tergep-tekserýdiń derekteri jarııa etilmeıdi.