Semeıde mas kúıinde sýıtsıd jasamaq bolǵan er adamdy qutqardy

SEMEI. QazAqparat - 29 maýsym kúni saǵat 13: 58-de «112» pýltine Semeı qalalyq polıtsııa basqarmasynyń kezekshisinen er adamnyń avtokólik kópiriniń aspaly qurylymynda otyrǵany týraly habarlama tústi, dep habarlaıdy QazAqparat.

Qutqarý bólimsheleri men Abaı oblysy Tótenshe jaǵdaılar departamentiniń psıhology dereý oqıǵa ornyna shyqty.

Qutqarýshylar oqıǵa ornyna kelgennen soń, 1994 jyly týylǵan er adam mas kúıinde kópirdiń aspaly qurylymdaryna kóterilgenin anyqtady. Ol tómenge túsý týraly sózge qulaq aspady.

«Qutqarýshylar alpınıstik jabdyqtyń kómegimen aspaly kópirdiń tiregine kóterilip, er adamǵa jetip, ony qaýipsiz jerge túsirdi. Osy ýaqytta psıholog shuǵyl kómek kórsetti.

Qutqarý operatsııasy kezinde er adam zardap shekken joq. Psıhologpen sóıleskennen keıin ol polıtsııa qyzmetkerlerine tapsyryldy», - dep jazdy TJM-nan.

Tótenshe jaǵdaı týyndaǵan kezde 101 nemese 112 nómirine qońyraý shalyńyz.