Semeıde kúıeýimen janjaldasyp, ózine qol jumsamaq bolǵan áıel qutqaryldy

<p>SEMEI. KAZINFORM &ndash; Semeı qalasynda kúıeýimen jandaldasyp ózine qol jumsamaq bolǵan áıel qutqaryldy.</p>

Ulttyq ulannyń «Shyǵys» óńirlik qolbasshylyǵy baspasóz qyzmetiniń málimetine súıensek, sarbazdar 3 sáýirde saǵat 21.04 shamasynda qaladaǵy Dýlatov kóshesiniń boıyn patrýldep júrgen. Sol kezde olar 6-qabattyń terezesinen sekirip keteıin dep turǵan áıeldi baıqap qalǵan. 

Foto: Ulttyq ulan «Shyǵys» óńirlik qolbasshylyǵynyń baspasóz qyzmeti

«5511 áskerı bóliminiń patrýldik tobynyń bastyǵy, efreıtor Maratjan Akramov qasyndaǵy sarbazdarmen birge sol jaqqa júgirgen. Podez ishine kirip, altynshy qabatqa kóterildi. Páter esigin áıelmen azamattyq nekede turǵan er adam ashqan», - delingen aqparatta.

Efreıtor áıeldiń mas ekenin baıqady. Ony áńgimege tartyp, aqyryndap qasyna taıap, lezde terezeden túsirip aldy.

Keıin belgili bolǵandaı, áıel adam jubaıymen janjaldasyp qalǵannan keıin óz-ózine qol jumsamaq bolǵan.