Semeıde qutqarýshy sýǵa batyp bara jatqan balany aman alyp shyqty
Oblystyq Tótenshe jaǵdaılar departamenti baspasóz qyzmetiniń málimetine súıensek, sońǵy eki kúnde Semeıde sýǵa batyp bara jatqan 2 adam qutqaryldy.
«Birinshi oqıǵa Murat saıajaıynyń mańyndaǵy Ertis ózeninde bolǵan. 45 jastaǵy er adam otbasymen jaǵalaýda demalyp jatqan kezde batyp bara jatqan adamdy kórip, dereý kómekke umtylǵan. Mas kúıde bolǵan 36 jastaǵy azamatty sýdan shyǵary alǵan ol alǵashqy medıtsınalyq kómek kórsetti. Jedel medıtsınalyq járdem dárigerleri zardap shekken adamdy teksergennen keıin qalalyq polıtsııa basqarmasynyń qyzmetkerlerine tabys etti», - delingen aqparatta.
Ekinshi oqıǵa Shúlbi kentinde boldy. № 6 órt sóndirý bóliminiń qyzmetkeri Altynbek Álimjanov sýǵa batyp bara jatqan balany qutqaryp qalǵan.
«Kenttegi «Janaı» demalys bazasynda kele jatqan azamattyq qorǵaý kishi serjanty sýǵa tunshyǵyp batyp bara jatqan balany baıqady. Ol uzaq oılanbastan, kómekke júgirdi. Kıimin sheshpesten sýǵa sekirdi. Balany jaǵaǵa shyǵaryp, oǵan alǵashqy medıtsınalyq kómek kórsetti. Sodan keıin bala ata-anasyna tapsyryldy. Qazir onyń jaǵdaıy jaqsy», - delingen habarlamada.
Eske salsaq, osyǵan deıin Abaı oblysynda jaǵalaýda qaraýsyz qalǵan jasóspirimniń sýǵa batyp ketkeni habarlanǵan.