Semeıde kóz jumǵan shymkenttik áskerı qyzmetkerdiń otbasy onyń sýıtsıd jasaǵanyna senbeıdi

SEMEI. QazAqparat – Semeıdegi áýe qorǵanysy áskerı bóliminde Otan aldyndaǵy boryshyn ótep júrgen Baqytjan Áripjanov qaza boldy. Marqumnyń týystary onyń óz-ózine qol jumsaǵanyna sene alar emes, dep habarlaıdy QazAqparat tilshisi.

Osyǵan deıin Semeıde áskerı qyzmetkerdiń máıiti tabylǵanyn habarlaǵan edik . QR Qorǵanys mınıstrligi baspasóz qyzmeti oqtan kóz jumǵan áskerıdiń aldyn ala derek boıynsha óz-ózine qol jumsaǵanyn habarlaǵan edi. Atalǵan faktige baılanysty qylmystyq is qozǵalǵan.

Dese de marqumnyń otbasy men týystary 5 bala tárbıelep otyrǵan Baqytjannyń sýıtsıd jasaǵanyna sene alar emes.

«Ol 10 jyldan astam ýaqyt áskerı salada qyzmet atqardy. Osy jyldar ishinde qatardaǵy ofıtserden kapıtan dárejesine deıin kóterildi. Baqytjan Shymkenttegi qyzmetke aýysqysy kelgen, biraq úlgermegen. Sońǵy jumysynda qandaı da bir qıyndyqtar bolǵan kórinedi», - deıdi marqumnyń ákesi Qulybek Áripjanov.

Ólerden bir saǵat buryn Baqytjan Áripjanov apaıyna beınebaılanys arqyly qońyraý shalǵan. Úsh jasar qyzyna qaıyrly tań tilep, keıin habarlasamyn dep telefon tutqasyn qoıdy.

Sodan keıin áıeline «Qosh bol» atty óleń jibergen. Týystary bunyń barlyǵy ádeıi istelgen dep esepteıdi. Olar táýelsiz sot-medıtsınalyq saraptama júrgizilýin jáne barlyq mán-jaıdyń jan-jaqty tekserilýin talap etýde.