Semeıde kópqabatty úılerdiń qasbeti jóndelip, eski ǵımarattar qalpyna keltiriledi

SEMEI. QazAqparat – Semeı qalasynda kópqabatty úılerdiń qasbeti jóndelip, eski ǵımarattar qalpyna keltiriledi, dep habarlaıdy QazAqparat tilshisi.

Bul týraly shahar jurtshylyǵymen kezdesýde ShQO ákimi Danıal Ahmetov málimdedi. Óz sózinde ol ortalyq kóshelerde ornalasqan kópqabatty turǵyn úılerdiń qalaı abattandyrylatynyna toqtaldy.

«Bıyl kópir men temirjol vokzalyn baılanystyratyn Shákárim dańǵyly boıynda ornalasqan kópqabatty 19 úıdiń qasbeti jańartylady. Sebebi bul Semeı qalasynyń qaqpasy deýge bolady. Atalǵan úılerdiń aýmaǵy abattandyrylyp, jańa keıipke enedi», - dedi aımaq basshysy.

Onyń aıtýynsha, qalanyń biregeı tarıhy bar ekenin umytpaý kerek. Sebebi munda kóptegen eski ǵımarattar bar.

«Osyndaı nysandardy qaıta qalpyna keltiretin arnaıy baǵdarlama ázirlengen. Sondyqtan shahardyń tarıhı kórkin saqtaý úshin eskirgen úılerdi qalpyna keltiremiz. Ol úshin arnaıy mamandar tartylady», - dedi Danıal Ahmetov.