Semeıde kópqabatty úıden órt shyǵyp, 29 adam evakýatsııalandy
ShQO Tótenshe jaǵdaılar departamenti baspasóz qyzmetiniń málimetine súıensek, 30 sáýir kúni saǵat 13.34-te Fızkýltýrnaıa kóshesindegi kópqabatty turǵyn úıde órt shyqqany jaıly habar tústi. Anyqtalǵandaı, ot páterlerdiń birindegi balkonda shyqqan.
«Oqıǵa ornyna qutqarýshylar jetken kezde tilsiz jaý 7-den 8-shi qabattyń balkonyna taraı bastady. Órt sóndirý barysynda 29 adam, onyń ishinde 7 bala evakýatsııalandy. Saǵat 14.12-de qyzyl jalyn tolyqtaı aýyzdyqtalǵan», - delingen habarlamada.
Aıta keteıik, órtpen kúreske 7 tehnıka men jeke quramnan 26 adam jumyldyrylǵan. Aldyn ala málimet boıynsha ottyń shyǵýyna – elektr jabdyqtaryn ornatý jáne paıdalaný kezinde otty abaısyz paıdalaný nemese órt qaýipsizdigi erejelerin saqtamaý sebep bolýy yqtımal.