Semeıde kópbalaly analarǵa arnalǵan baǵdarlama tanystyryldy

SEMEI. QazAqparat - Semeı qalasynyń əkimi Ermak Səlimov kópbalaly analarmen kezdesti. Jıyn barysynda qala basshysy «Baqytty otbasy»partııalyq jobasy aıasynda júzege asyrylyp jatqan​ kópbalaly jáne​ az qamtylǵan​ otbasylardy keshendi qoldaý baǵdarlamasy týraly aıtty. Bul týraly QazAqparat Semeı qalasynyń aqparattyq ortalyǵyna silteme jasap habarlaıdy.

Semeıde 4 749 kóp balaly otbasy turady. 2350 otbasynyń 4 jáne odan da kóp kámelettik jasqa tolmaǵan balalary bar. Búginde turmystyq jaǵdaılar men tabys deńgeıin zerdeleý jáne áleýmettik qoldaýdyń qajetti sharalaryn aıqyndaý maqsatynda mobıldik toptardyń jumysy jalǵasýda.​

Qala ákimi ataýly áleýmettik kómek úshin jáne jumyspen qamtýdy úılestirý maqsattaryna respýblıkalyq bıýdjetten 635 mıllıon teńge kóleminde qosymsha qarajat bólýge ótinim jiberilgenin atap ótti. Bólinetin qarjy 5040 muqtaj otbasyny qamtýǵa múmkindik beretin bolady.

«Múmkindigi shekteýli balalardy tárbıelep otyrǵan kópbalaly otbasylar mektepke deıingi mekemelerge aqy tóleýden bosatylady. Kópbalaly jáne az qamtylǵan otbasyndaǵy 7062 balaǵa mektep formasy satyp alynyp,​ 6774 bala tegin ystyq tamaqpen qamtamasyz etiledi. Bul baǵdarlamanyń negizgi baǵyty kóp balaly analardy qoldaýdy kúsheıtý», - dedi Ermak Bıdahmetuly

Qala basshysy ata-analarǵa qajetti mamandyqty meńgerip,​ qosymsha tabys tabý múmkindigi bar ekenin jetkizdi. Osy maqsatta «Eńbek» memlekettik baǵdarlamasy sheńberinde 195 jumyssyz qala turǵyndary úshin qysqa merzimdi kýrstar uıymdastyrylady.

Sonymen qatar, kópbalaly jáne az qamtylǵan otbasylardy turǵyn úımen qamtamasyz etý máselesi sheshilýde. Qazir qalada osy sanattaǵy azamattar úshin eki kóp qabatty turǵynúı salynýda. Olardyń qurylysyn bıylǵy jyldyń sońynda aıaqtalatyn bolady.