Semeıde qatty jelden kópirdiń jaqtaýy qulady
19:13, 12 Naýryz 2024
<p>SEMEI. KAZINFORM – Semeı qalasynda qatty jelden kópir jaqtaýy qulady.</p>
Qalada qatty soqqan jel Avtogýjevoı kópirindegi jaqtaýdy qulatty. Jolaýshylar kóligi jáne avtomobıl joldary bólimi basshysynyń ýaqytsha mindetin atqarýshy Ádilbek Ývasılov qazirgi mán-jaıdy aıtyp berdi.
«Kópirdiń qulaǵan jaqtaýyna lentamen belgi qoıyldy. Sol jaǵalaýdan oń jaǵalaýǵa qaraı jaıaý júrginshiler joly jabylǵan. Al kólik júretin tórt jolaq túgeldeı ashyq tur», - dedi ol.
Osynyń saldarynan «Qazaqtelekom» AQ-nyń optıkalyq baılanys jelileri zaqymdanyp, qalanyń sol jaǵalaýynda ınternet óship qaldy. Jaqyn arada ınternet jumysy qalpyna keltiriledi.