Semeıde oblystyq sot ǵımaratynyń mańynda TETs-tiń úsh qyzmetkeri káriz qudyǵyna túsken, sonyń ishinde ekeýi esinen tanyp qalǵan. Alǵashqylardyń biri bolyp kómekke QR ІІM mamandandyrylǵan kúzet qyzmeti basqarmasynyń qyzmetkerleri — polıtsııa starshınasy Aslan Kakenov, polıtsııa aǵa serjanty Erzat Baımýlaev, polıtsııa aǵa serjanty Aıgerim Muhtarbekova jáne polıtsııa kishi serjanty Tursynbek Aıtqazy jetti.
Erzat Baımýlaev óz ómirine qaýip tónse de, arnaıy qyzmetterdiń kelýin kútpesten áreketke kóshti. Ol ózin arqanmen baılap, gaztumyldyryq kıip qudyqqa tústi. Joǵaryda áriptesteri Kakenov pen Aıtqazy ony saqtandyryp turdy. Nátıjesinde olar esten tanǵan eki jumysshyny jer betine kóterip shyǵardy.
— Іshte elektrık qulap jatqanyn kórdim. Taǵy eki adam bar ekenin bilgen soń, janymdaǵy seriktesim gaztumyldyryq ákelýimdi surady. Men dereý ishke kirip, gaztumyldyryq alyp shyqtym. Sol ýaqytta jedel járdem keldi. Seriktesim qyzmetkerlerdi shyǵarý kerektigin aıtty. Sebebi olardy joǵaltyp alýymyz múmkin edi. Men esh oılanbastan ishke tústim, — deıdi Oblystyq Polıtsııa departamentiniń aǵa serjanty Erzat Baımýlaev.
Budan buryn Qostanaıda káriz qudyǵyn teksermek bolǵan qyzmetkerler ýlanyp qalǵanyn jazǵan edik.