Semeıde qaqaǵan aıazda 50 bas iri qarasy joǵalyp ketken adamǵa polıtseıler kómekke keldi

<p>Semeıde polıtsııa qyzmetkerleri aıazda 50 bas iri qarasyn joǵaltyp alǵan adamǵa kómekke kelip, malyn taýyp berdi, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Polıtsııaǵa habarlasqan jergilikti turǵyn malynyń joǵalǵanyn aıtyp, kómek surady.

- Er adam bir kún buryn túski ýaqytta Semeı qalasynan 40 shaqyrym qashyqtyqtaǵy sharýa qojalyǵynan 50 bas malynyń joǵalyp ketkenin jetkizgen. Atalǵan fakti boıynsha sotqa deıingi tergeý bastalyp, polıtsııa qyzmetkerleri izdestirýge kiristi. Atty polıtsııa men qarda júretin tehnıka jumyldyryldy. Sondaı-aq jaqyn aýmaqty aınalyp ótý úshin áýege dron kóterildi, - dep habarlady Abaı oblystyq Polıtsııa departamentiniń baspasóz qyzmetinen.

Aýa raıynyń qolaısyzdyǵyna qaramastan tártip saqshylary bir otbasynyń jalǵyz tabys kózin izdestirý sharalaryn bir kún boıy júrgizdi.

- Sonyń nátıjesinde iri qaralar túgel tabyldy. Joǵalǵan jerden 18 shaqyrym jerde júrgen. Óz kezeginde mal ıesi polıtsııa qyzmetkerlerine jedel áreketteri úshin alǵysyn bildirdi. Óıtkeni, izdeý jumystary keıinge qalsa, mal qyrylyp qalar edi, - delingen aqparatta.