Semeıde halyqqa qyzmet kórsetý ortalyqtary jumysyn bastady
Vırýstyń taralý qaýpi saqtalýyna baılanysty HQO-larda elektrondy formatta qoljetimdi emes «qaǵaz» qyzmetter kórsetiledi. Ortalyqqa barý úshin kezek ýaqytyn 1414 baılanys ortalyǵy nemese egov.kz portalyndaǵy arnaıy servıs arqyly aldyn ala brondaý qajet.
«Kezekti aldyn ala brondaý sharalary semeılikter men ortalyq qyzmetkerleriniń qaýipsizdigin qamtamasyz etý maqsatynda qabyldandy. Sondaı-aq HQO-ǵa kelgen kezde maska rejımin saqtaý qajet», - deıdi «Azamattarǵa arnalǵan úkimet» ShQO boıynsha fılıalynyń dırektory Azamat Esembýlov.
Onyń aıtýynsha, memlekettik qyzmettiń 80% astamyn egov.kz elektrondyq úkimet portaly, telegramdaǵy eGovKzBot2.0 boty jáne eGovMobile mobıldik qosymshasy arqyly onlaın formatta alýǵa bolady. Kompıýteri joq azamattar úshin HQO ǵımaratynan tys ózdiginen qyzmet alýǵa arnalǵan 28 egov.kz buryshy ashyldy. Olar ákimdik ǵımaratynda, qalalyq kitaphanalarda ornalasqan.
Basqa uıymdar iske qosylǵannan keıin osyndaı buryshtar sany taǵy ulǵaıady.