Semeıde ǵımarattyń opyrylyp túsken shatyry avtobýsqa qulady

<p>SEMEI. KAZINFORM &ndash; Semeı qalasynda ǵımarattyń opyrylyp túsken shatyry eki avtobýstyń ústine qulady.</p>

Oblystyq Polıtsııa departamenti baspasóz qyzmetiniń málimetine súıensek, oqıǵa búgin saǵat 12:15 shamasynda bolǵan. «102» arnasyna habarlasqan azamat ortalyq avtobeket aýmaǵyndaǵy ǵımarattyń shatyry opyrylyp túskenin jetkizgen.

«Belgili bolǵandaı, «Aqshyn» saýda úıiniń shatyry men metall qurylǵysy eki avtobýstyń ústine qulaǵan. Sol jerge polıtsııa qyzmetkerleri jedel kelip jetti. Aldyn ala derek boıynsha, azamattar arasynda zardap shekken eshkim joq. Biraq avtoparkke materıaldyq shyǵyn keltirilgen», - delingen aqparatta.

Oqıǵanyń mán-jaıyn TJD qyzmetkerleri anyqtaıtyn bolady.

Eske salsaq, osyǵan deıin Semeı ákimdigi 2,6 mln eýronyń qoqys óńdeý jabdyǵyn jaramsyz qylǵany habarlanǵan.