SEMEI. KAZINFORM – Semeı qalasynda Ertis ózeninde sý deńgeıi kóterilgen. Osyǵan baılanysty Abaı oblysynyń ákimi Nurlan Uranhaevtyń tóraǵalyǵymen tótenshe jaǵdaılardyń aldyn alý jáne joıý jónindegi komıssııanyń otyrysy ótti.
Sý deńgeıiniń kóterilýine baılanysty quzyrly organdar barlyq tıisti jumysrdy júrgizýde. Qazir sý deńgeıi 471 sm, syrtqy aýa temperatýrasy -10 gradýs.
Abaı oblysynyń TJD barlyq jeke quramy kúsheıtilgen rejımge kóshti. Sý deńgeıi kóterilgen jaǵdaıda Beıbitshilik aralyndaǵy turǵyndardy evakýatsııalaý oryndary, úı janýarlaryn ornalastyratyn jerler anyqtaldy.
Foto: Abaı oblysynyń ákimdigi«Jaǵdaı baqylaýǵa alyndy. Qutqarýshylar turǵyndarǵa qajetti kómek kórsetýge tolyqtaı daıyn bolýy qajet. Halyqtyń qaýipsizdigin qamtamasyz etý – bizdiń basty mindetimiz», - dedi Nurlan Uranhaev.
Otyrys qorytyndysy boıynsha halyqtyń qaýipsizdigin qamtamasyz etýge baǵyttalǵan hattama daıyndalyp, jaýapty mekemelerge joldandy.
Foto: Abaı oblysynyń ákimdigi
Talǵatjan Muhametbekuly
Óskemendegi S.Amanjolov atyndaǵy ShQÝ-dy "Jýrnalıstıka" mamandyǵy boıynsha támamdaǵan. Eńbek jolyn 2015 jyly ShQO "Aldaspan" gazetinde tilshi bolyp bastady. ShQO "Meniń ólkem" gazetinde tilshi, respýblıkalyq "Jas qazaq", "Zań" gazetterinde Shyǵys Qazaqstan oblysy boıynsha menshikti tilshi, ShQO "Meniń ólkem" gazetiniń bas redaktory qyzmetterin atqarǵan. Kazinform agenttiginde 2021 jyldan beri jumys istep keledi.