Semeıde bıyl kóppáterli 75 úıdiń qurylysy júrgizilýde

SEMEI. QazAqparat – Semeı qalasynda bıyl kóppáterli 75 úıdiń qurylysy júrgizilip jatyr, dep habarlaıdy QazAqparat tilshisi.

Qala ákimdiginiń málimetine súıensek, turǵyn úıge muqtaj azamattardy baspanamen qamtamasyz etý úshin Qaraǵaıly shaǵyn aýdanynda kóppáterli úıler salýǵa arnalǵan negizgi alańdar belgilendi. Aldaǵy ýaqytta onda 293 gektar aýmaqta 36 myńǵa jýyq adam turady dep josparlanyp otyr.

«Osy jyly shahar boıynsha jalpy aýdany 367,4 myń sharshy metrdi quraıtyn 4 396 páterlik 75 úıdiń qurylysy júrgizilýde. Onyń ishinde 31-i jeke ınvestorlar esebinen salynýda. Budan bólek, 51 qurylys jobasy boıynsha jobalyq-smetalyq qujattama ázirlendi. Onyń 18-niń memlekettik saraptama qorytyndysy bar», - deıdi shahar basshysy Baqytjan Baıahmetov.

Onyń aıtýynsha, turǵyn úılerdi paıdalanýǵa berý keste boıynsha júrgizilýi tıis.