Semeıde bıyl 5 myńǵa jýyq páter salynady
Bul jaıly Aımaqtyq kommýnıkatsııalar qyzmetinde ótken baspasóz máslıhatynda Semeı qalalyq qurylys bóliminiń basshysy Suńǵat Amanbekov málim etti.
Bıyl shahar boıynsha jalpy aýdany 449,3 myń sharshy metrdi quraıtyn 4 967 páter salynady. Bul maqsatta 57,8 mlrd teńge jumsalady. Olardyń ishinde kóppáterli turǵyn úı - 75, nesıelik - 38, kommertsııalyq úıler - 35. Sonymen qatar jeke ınvestorlar men turǵyndar qarajaty esebinen jer úıler qurylysy josparlanýda.
«Qaraǵaıly yqshamaýdanynda 1200 orynǵa jáne Vodnyı kentinde 600 orynǵa arnalǵan eki mekteptiń jobasy ázirlenýde. Memlekettik-jekeshelik seriktestik aıasynda taǵy úsh balabaqsha qurylysynyń jobalary daıyndalyp jatyr», - dedi Suńǵat Amanbekov.
Sondaı-aq Qaraǵaıly yqshamaýdanynda 320 orynǵa arnalǵan balabaqsha salynady dep josparlanýda. Investor – «Sát Trans» JShS. Budan bólek, bıyl Qurylys basqarmasymen Ushaqtar kentinde 210 tósek-orynǵa arnalǵan juqpaly aýrýlar aýrýhanasynyń tehnıkalyq-ekonomıkalyq negizdemesin ázirleý boıynsha «INSON» JShS-men memorandým jasaý kózdelýde.
Esterińizge sala ketsek, osyǵan deıin ShQO-da «Birqabatty Shyǵys» baǵdarlamasy aıasynda 735 jer úı salynyp jatqanyn habarlaǵan edik.