Semeıde bıyl 30 jańa avtobýs satyp alynady

SEMEI. QazAqparat – Semeı qalasynda jyl sońyna deıin 30 jańa avtobýs satyp alynady, dep habarlaıdy QazAqparat tilshisi.

Qala ákimdigi baspasóz qyzmetiniń málimetine súıensek, jyl sońyna deıin Semeıdegi avtoparkter jańa avtobýstarmen tolyǵady.

«Qosymsha 30 avtobýs satyp alyp, shahar boıynsha qatynaıtyn qoǵamdyq kólik sanyn kóbeıtý josparlanǵan. Tasymaldaýshylar kelesi jyldyń basynda taǵy jańa avtobýstar alýǵa nıetti. Bul shara marshrýttyq avtobýstardyń qozǵalys jıiligin arttyrýǵa jáne qaladaǵy qoǵamdyq kólikke qatysty máselelerdi ishinara sheshýge múmkindik beredi», - delingen aqparatta.

Sondaı-aq qala ákimi Nurbol Nursaǵatov «Daewoo Bus Kazakhstan» atty avtobýstardy shyǵaratyn zaýytqa bardy. Osy sapar barysynda qalalyq avtoparkti tolyqtyrý máselesi talqylandy.